Bronson Reed i dërgon mesazh Oba Femi: “Prisni sa ta mposht”

Rikthimi i Bronson Reed në WWE, pas rreth gjashtë muajsh jashtë ringut për shkak të dëmtimit, i dha menjëherë më shumë energji The Vision. Në Sunday Night’s Main Event, Reed u përfshi në sulmet ndaj Oba Femi, ndërsa një natë më pas të dy u përplasën sërish në Raw. Pas shkatërrimit të dytë radhazi të Femit nga The Vision, një moment pranë ringut ndezi diskutime mes fansave. Reed tentoi të vendoste këmbën mbi Femi për të bërë një deklaratë, por “The Ruler” nuk e lejoi. Përplasja tregoi edhe një herë se Femi nuk tërhiqet, pavarësisht se sa i madh është presioni mbi të. Duke folur në Raw Recap: WWE Now me Sam Roberts dhe Megan Morant, Reed tha se nuk mund të kishte imagjinuar një mënyrë më të mirë për t’u rikthyer sesa duke rrëzuar një kundërshtar që konsiderohet i pamposhtur. “Unë jam njeriu që mposht njerëzit e pamposhtur. Meqë Oba Femi është në majë të malit për momentin, jam shumë i lumtur që po ngjitem në atë mal, në vend që të qëndroj poshtë dhe të vdes. Më mirë të vdes duke u përpjekur të ngjitem në mal. “Nëse ktheheni pas në historinë e Bronson Reed — po e them, nuk më intereson ku jemi — unë munda [Kazuchika] Okada në Japoni. Në atë kohë ai ishte i pamposhtur. Unë e munda. Roman Reigns ishte i pamposhtur dhe askush nuk mund ta mposhte. Unë e munda. Tani jemi në epokën e Oba Femit, ai është i pamposhtur. Prisni sa ta mposht.” Reed kujtoi kështu fitoret e tij të së kaluarës ndaj Kazuchika Okada dhe Roman Reigns, duke e vendosur Oba Femi në të njëjtin nivel me ta. Përplasja mes dy powerhouse-ave po merr gjithnjë e më shumë vëmendje, edhe pse në materialin e publikuar nuk bëhet e ditur një ndeshje zyrtare mes tyre.