Kevin Owens kampion i ri sonte? Kuotat e nxjerrin favorit ndaj CM Punk

🔥 A do të kemi një kampion të ri sonte në SmackDown? CM Punk do të mbrojë Undisputed WWE Championship ndaj Kevin Owens në një nga ndeshjet më të mëdha të mbrëmjes. Por orët e fundit po flitet gjithnjë e më shumë për mundësinë që Kevin Owens të largohet nga Toronto me titullin. Arsyeja? Kuotat e basteve kanë ndryshuar dhe aktualisht e nxjerrin Owens si favorit (-190) për të fituar ndeshjen. Sigurisht, kjo nuk do të thotë se rezultati është i vendosur, por ndryshimi ka bërë që fansat të dyshojnë se WWE mund të jetë duke përgatitur një surprizë të madhe. 🇨🇦 Momenti perfekt për Kevin Owens? Ndeshja zhvillohet në Toronto, Kanada, dhe për Owens kjo e bën mbrëmjen edhe më speciale. KO u rikthye pas një mungese të gjatë prej rreth 17 muajsh për shkak të dëmtimit në qafë dhe në SummerSlam fitoi Fatal 4-Way Match për të siguruar mundësinë për titull. Owens gjithashtu kërkoi që ndeshja me Punk të zhvillohej në Kanada, ku pritet të ketë pranë edhe familjen e tij. Tani gjithçka duket e vendosur për një moment të madh. Por përballë tij është CM Punk, i cili sigurisht nuk ka ndërmend ta dorëzojë kaq lehtë Undisputed WWE Championship. 🏆 CM Punk apo Kevin Owens? A do ta shohim KO-në duke ngritur titullin para publikut kanadez, apo CM Punk do të vazhdojë mbretërimin e tij? 👇 Kush mendoni se fiton sonte?