Logan Paul jep lajme për dëmtimin dhe zbulon pse kishte shtyrë vizitën te mjeku

Logan Paul vazhdon rrugën drejt rikthimit në WWE pas dëmtimit në triceps që pësoi më 23 maj në Saturday Night’s Main Event. Në vlog-un e fundit, The Maverick udhëtoi në Birmingham, Alabama, ku u kontrollua nga kirurgu ortoped Dr. Jeffrey Dugas. Gjatë videos, Logan bëri një pranim interesant: vizitën e kishte vonuar thjesht sepse nuk i pëlqen Birmingham-i. “Po e shtyja sepse jemi në Birmingham, Alabama. Nuk më pëlqen fare ky vend,” tha Paul. Ai përmendi edhe Triple H, duke treguar se gjatë karrierës së tij kishte kaluar rreth 8–12 muaj në Birmingham për t’u përqendruar te rehabilitimi pas një dëmtimi. Logan pranoi se vetë nuk ndoqi të njëjtën rrugë. Sa i përket gjendjes së tij, Paul ka munguar nga ring-u për afro tre muaj. Kontrolli i fundit duket se shkoi mirë dhe mjeku u shfaq i kënaqur me progresin, por ende nuk ka një datë të konfirmuar për rikthimin e tij në WWE. Në vlog pati edhe një moment të shkurtër me Seth Rollins. Pasi pa fotografinë e tij në klinikë, Logan pranoi se e respekton Rollins jashtë ringut, pavarësisht rivalitetit të tyre në WWE. Tani mbetet vetëm të shihet se kur Logan Paul do të marrë dritën jeshile për t’u rikthyer në ring.