Nick Khan: WWE e ka planifikuar tashmë kreativitetin për WrestleMania 43

WrestleMania 43 do të zhvillohet në Arabinë Saudite në prill dhe do të jetë edicioni i parë i “The Show of Shows” që mbahet jashtë Amerikës së Veriut. Në një intervistë për “The Varsity” me John Ourand, presidenti i WWE-së, Nick Khan, foli për përgatitjet e kompanisë dhe zbuloi se planet kreative për eventin janë hartuar tashmë. “Do të jetë një show i rëndësishëm. Ne e kemi përfunduar tashmë pjesën kreative, megjithëse kjo mund të ndryshojë në rast dëmtimesh”, tha Khan. WWE ka njoftuar gjithashtu dy aktivitete në MSG Theater. Të shtunën e WrestleMania-s do të ketë një watch-along party, i ndjekur nga NXT ose AAA. Të nesërmen do të zhvillohet një tjetër watch-along party, pas së cilit do të transmetohet brandi që nuk ishte pjesë e programit të së shtunës. Përveç këtyre aktiviteteve, WWE planifikon të organizojë watch parties edhe në Shtetet e Bashkuara dhe në vende të tjera. Khan beson se fansat do të largohen të kënaqur nga kjo eksperiencë. Deri tani, WWE nuk ka njoftuar datat e sakta të WrestleMania 43.