The Rock largohet edhe më shumë nga WWE? Dwayne Johnson po eksploron një karrierë të re

Dwayne “The Rock” Johnson vazhdon të jetë një nga emrat më të angazhuar jashtë botës së wrestling-ut dhe duket se rikthimi i tij në WWE nuk është aspak prioritet për momentin. Përveç karrierës së suksesshme në Hollywood, bizneseve të tij dhe angazhimeve të tjera, The Rock tashmë po mendon të zgjerohet edhe në një tjetër industri: muzikën country. Në një intervistë të fundit për Rolling Stone, Johnson konfirmoi se aktualisht po eksploron mundësinë për t’u marrë më seriozisht me muzikë. Kjo vjen pasi ai publikoi baladën “Your Dad”, të realizuar së bashku me fituesin e American Idol, Iam Tongi. Kur u pyet nëse kishte interes të vazhdonte me projekte të tjera muzikore, The Rock shpjegoi se muzika ka qenë gjithmonë një pjesë e rëndësishme e jetës së tij dhe se veçanërisht muzika country tradicionale është një prej zhanreve që ai pëlqen më shumë. Ndërkohë, ajo që vazhdon të mungojë nga planet e tij publike është wrestling-u. Edhe pse The Rock mbetet një nga emrat më të mëdhenj në historinë e WWE-së dhe çdo paraqitje e tij krijon menjëherë interes të madh mes fansave, angazhimet e shumta jashtë ringut e bëjnë një rikthim të afërt gjithnjë e më të vështirë. Megjithatë, siç ndodh shpesh në WWE, dera për një rikthim të The Rock nuk mund të konsiderohet kurrë plotësisht e mbyllur. A mendoni se do ta shohim përsëri The Rock në një ndeshje të WWE-së, apo koha e tij në ring ka përfunduar?